පාතාලය මඩින විශේෂ මෙහෙයුමෙන් පාතාලයේ 17ක් අල්ලයි

පාතාලය මර්ධනය කිරීම සඳහා පොලිස්පති දේශබන්දු  තෙන්නකෝන් මහතා ගේ  සෘජු අධීක්ෂණය යටතේ ක්‍රියාත්මක විශේෂ කණ්ඩායම්  ආරම්භක දෙදින තුළ  පාතාල සාමාජිකයන් 17 කු ඇතුළු 27 කු අත්අඩංගුවට ගැනීමට හැකි වූ බව පොලිස් මාධ්‍ය ප්‍රකාශක  නියෝජ්‍ය පොලිස්පති, නීතීඥ නිහාල්  තල්දුව මහතා පැවසීය

අත්අඩංගුවට ගත් සෙසු  10 දෙනා පාතාල සාමාජිකයන් සමඟ  සබඳතා පැවැත් වූ පුද්ගලයන් බව මාධ්‍ය ප්‍රකාශකවරයා කීය

අත්අඩංගුවට පත්වූවන් අතර ප්‍රධාන පෙළේ පාතාල නායකයන්ගේ සමීප සාමාජිකයන්  රැසක් වන බව ඔවුන් පිළිබඳ තොරතුරු  සොයා බැලීමේදී අනාවරණය වන බව මාධ්‍ය ප්‍රකාශකවරයා කීය

ඉකුත් 19 වෙනිදින  පොලිස්පති දේශබන්දු  තෙන්නකෝන් මහතා විසින්  පොලිස් ක්ෂේත්‍ර බළකා මූලස්ථානයේදී  පොලිස් විශේෂ කාර්ය බළකා නිලධාරීන් ,බුද්ධි අංශ නිලධාරීන් හා අපරාධ මර්ධන අංශවල නිලධාරීන්ගෙන් සැදුම්ලත්  විශේෂ ප්‍රහාරක බල ඇනි 20 ක් පාතාල ක්‍රියාකාරකම් මර්දනය කිරීම හා පාතාල සාමාජිකයන් අත්අඩංගුවට ගැනීම  සඳහා  කොළඹ කළුතර ගම්පහ හා ගාල්ල  දිස්ත්‍රික්කය ආවරණය වන පරිදි  යොමු කරන ලදී.